รีวิว ll แป้งอัดแข็ง GR Longstay Matte Face Powder

สวัสดีค่ะสาวๆ จีบันคนงามผู้มีความงามเลิศเลอในปฐพี 

ง๊ามมมมมอีหลีอีหลอ งามกะด้อกะเดี้ย

มื่อนี่เฮาสิมาอวดมาเห่อ พร้อมรีวิวแป้งอัดแข็ง Golden Rose longstay matte face powder ที่ได้มาจากการร่วมสนุกในบ้านจีบันของเฮานี่เอง 

โตนี่เป็นแป้งที่เขาบอกว่า เป็นแป้งแมท แล่วเนื้อแป้งกะละเอียด บางเบา ปกปิด เฮ็ดให้หน้าเรียบเนียน ควบคุมความมันขั้นสุด ติดทนนานถึง 16 ชม. พู่นเด้อ 

บ่ดรอประหว่างวัน พร้อมปกป้องผิวของเฮาจากแสงแดดด้วย SPF15  

แล่วเบอร์แป้งที่ข่อยได้มาคือ เบอร์ 06 จ้า

ตลับเป็นทรงกลม สีดำ บ่หวือบ่หวา ถือขึ้นมาอ้างหมู่กะดูดี 

ด้านบนตลับสิมีโลโก้ GR อยู่ ซึ่งย่อมาจาก Golden Rose นั่นล่ะ 

โตใหญ่เท่อเล่อ แนมเห็นชัดเจน สายตาสั้นคือข่อยกะยังแนมเห็น

เวลาเปิดกะสะดวกดีเด๊ะ บ่ต้องย่านเล็บหัก 

ไผเล็บยาวๆ หรือไผเฮ็ดเล็บงามๆ มานี่หายห่วง 

เพราะว่าเฮาแค่กดปุ่มที่อยู่ด้านข้างตลับ ที่ข่อยวงไว้ให้เบิ่ง

กดเบาๆ ฝาตลับแป้งกะสิเด้งขึ้น บ่ต้องเอาเล็บงัดจ้า 

พอเปิดขึ้น ชั้นแรกจะเป็นพัฟสีขาวสะอาด แล่วกะนุ่มมมมม 

หม่องวางพัฟสิเป็นพลาสติกใสๆ เบิ่งแล่วงามตาดี 

แต่ย่านเวลาใช้ไปโดนๆ แล้วพัฟสิมีกลิ่นอับ เพราะว่าบ่มีฮูระบายอากาศ

อ้อ! มีกระจกมาให้พร้อม เอาใส่ส่องความงาม

เนื้อแป้งมีความละเอียด และนุ่ม ได้สัมผัสได้บายเบิ่งแล่วมักแฮง 

แต่ฮู้สึกว่าทั้งพัฟและเนื้อแป้ง สิมีกลิ่นขิวๆ อยู่นิดนึ่ง 

แต่ขิวบ่แฮงดอก ยังพอรับได้อยู่

สวอชชชชชให้เบิ่งที่แก้ม สีที่เฮาได้มาคือ 06 ถือว่าพอดีกับผิวอยู่ 

เนื้อแป้งพอปาดลงผิวแล้วนุ่ม พัฟก็นุ่ม เข้ากันดี

แต่งหน้าบางๆ ใช้กันแดดที่เป็นสีเนื้อแทนรองพื้น ก็ถือว่าเนียนทีเดียว

แต่ไม่ค่อยปกปิด มีความแมทแต่บ่คักเท่าที่คิด ได้ผิวที่ดูเป็นธรรมชาติดีเด๊ะล่ะ

ปล. แสงไฟในห้องเฮ็ดให้ผิวนี่เหลือง ฮ่ายก่คนเป็นซาง 555+

-----------------------

ช่วง ภาษาอีสานน่ารู้

ซาง  แปลว่า โรคตานขโมย ตัวเหลือง มักเกิดในเด็ก

เฮา  แปลว่า ฉันหรือเราก็ได้ แล้วแต่บางพื้นและขึ้นอยู่กับบริบทต่างๆ ด้วย 

ข่อย  แปลว่า ฉัน /หนู/น้อง บลาฯ เป็นคำที่ใช้แทนตัวเรา

ฮู้   แปลว่า รู้

เฮ็ด  แปลว่า ทำ

หม่อง  แปลว่า ที่นั่น/ที่นี่

ย่าน  แปลว่า กลัว

แนม  แปลว่า มอง 

เบิ่ง  แปลว่า มองหรือดูก็ได้ 

พู่นเด้อ แปลว่า โน่นน่ะ 

ฮ่ายก่ แปลว่า อย่างกับ

ส่ำนี่ แปลว่า เท่านี้

----------------------

เอาล่ะ กะสิขอจบการรายงานส่ำนี่เด้อ 

พ้อกันใหม่งวดหน้าจ้า

^^